இதய நோய்களுக்கு மருந்தாகும் பீட்ரூட்

இதய நோய்களுக்கு மருந்தாகும் பீட்ரூட்

இதய கோளாறு ஏற்படுவதை தடுக்க பல்வேறு ஆராய்ச்சிகள் நடத்தி விஞ்ஞானிகள் அறிவுரை வழங்கி வருகின்றனர். இது தொடர்பாக அவுஸ்திரேலியாவின் மெல்போர்ன் நகரை சேர்ந்த விஞ்ஞானிகள் ஆராய்ச்சி நடத்தினர். ஆய்வின் முடிவில், காய்கறிகளில் ஒன்றான பீட்ரூட்டின் சாறு எடுத்து ஒரு டம்ளர் குடித்தால் இதயம் சம்பந்தமான கோளாறை கட்டுப்படுத்தலாம் என கண்டுபிடித்திருக்கிறார்கள். அதாவது இந்த சாறு குடித்த சில மணிநேரத்தில் ரத்த அழுத்தம் 4 முதல் 5 புள்ளிகள் குறைத்து நிவாரணம் அளிக்கும் எனவும் தெரிவித்துள்ளனர்.

பல் சம்மந்தமான நோய்களுக்கு மருந்தாகும் புதினா

பல் சம்மந்தமான நோய்களுக்கு மருந்தாகும் புதினா

புதினாவை உணவில் சேர்த்து கொண்டால் பசியை தூண்டுவதுடன், உணவிற்கு ருசியையும் கொடுக்கிறது. தொடர்ந்து வரும் விக்கலை நீக்குவதுடன், வாந்தியையும் கட்டுப்படுத்துகிறது. வாத நோய்க்கும், வறட்டு இருமலுக்கும் சிறந்த மருந்தாகும். மாதவிடாய் தாமதமாகும் பெண்கள், இக்கீரையை உலர்த்தி தூள் செய்து தேனில் கலந்து தினமும் மூன்று வேளை உட்கொண்டால் மாதவிடாய் கோளாறுகள் சரியாகும். புதினா இலையை ஒரு டம்ளர் நீரில் கொதிக்க வைத்து, ஆறிய பிறகு இளசூட்டில் குடித்தால் நன்றாக பசி எடுக்கும். புதினாவுடன் இஞ்சியையும், உப்பும் சேர்த்து அரைத்து தினமும் உணவில் மூன்று வேளை சேர்த்து வந்தால் வாய்நாற்றம், அஜீரணம், பித்தமும் அகலும். புதினாக் கீரையில் உடல் ஆரோக்கியத்திற்கு தேவையான வைட்டமின்களும், தாதுப்பொருட்களும் அதிக அளவில் இருக்கின்றன. துவையல், சட்னி, பொடி போன்றவை தயாரித்தும் மசால் வடையில் சேர்த்தும், பிரியானி மற்றும் இறைச்சி வகைகளில் சேர்த்தும் புதினாக் கீரை பயன்படுத்தப்படுகிறது. மேலும் பற்களில் ஏற்படும் பல வியாதிகளைக் குணப்படுத்தும். புதினாவை துவையல் செய்து நல்லெண்ணெய் விட்டு சாதத்தில் பிசைந்து சாப்பிட பித்தம், மூட்டு வலி, ஆஸ்துமா, ஈரல் சம்பந்த பட்ட நோய்கள், சிறுநீர் உபத்திரம் நீங்கும். புதினா உடலுக்கு வெப்பம் தருவதால் மூல நோய்கள் உள்ளவர்கள் இக்கீரையை தவிர்த்தல் நல்லது.

பிளம்ஸ் பழத்தின் மருத்துவ குணங்கள்

பிளம்ஸ் பழத்தின் மருத்துவ குணங்கள்

பல்வேறு சுவைகளிலும், பல்வேறு பெயர்களிலும் வலம் வரும் பிளம்ஸ் பழங்கள் உடலுக்கு ஊக்கத்தையும், உற்சாகத்தையும் அளிக்கும். இப்பழத்தில் வைட்டமின் ஏ சத்துக்கள் அதிகளில் காணப்படுகிறது. 1. குறிப்பாக இரத்தத்தில் உள்ள சிவப்பணுக்களை அதிகரிக்கும் தன்மை கொண்டவை. 2. இரத்தத்தில் கலந்துள்ள கொழுப்பு பொருட்களை கரைக்கும் குணமுடையது. 3. சிறுநீரகக் கோளாறுகளை நீக்கும், தசைகளின் இறுக்கத்தை குறைத்து மென்மையடைய செய்யும். 4. நரம்புகளுக்கு ஊக்கத்தைக் கொடுத்து, மூளை நரம்புகளுக்கு அதிக பலம் கொடுக்கும். 5. நினைவாற்றலைத் தூண்டுவதுடன், கண்பார்வை தெளிவுறச் செய்யும். 6. உடலில் நோய் எதிர்ப்பு சக்தியை அதிகரிப்பதுடன், இதயத்திற்கு சிறந்த டானிக்காக செயல்படுகிறது.

வயது முதிர்தலை தடுக்கும் பலாப்பழம்

வயது முதிர்தலை தடுக்கும் பலாப்பழம்

முக்கனிகளில் ஒன்றான பலாப்பழத்தில் அதிகளவு சத்துக்கள் காணப்படுகின்றது. பலாப்பழத்தின் மேற்புறம் கரடுமுரடாக இருந்தாலும், அதன் உட்பகுதியில் இருக்கும் பழம் சுவையாகவும், கண்ணை கவரும் நிறத்திலும் காணப்படும். இப்பழத்தில் அதிகளவு ஊட்டச்சத்துக்கள் காணப்படுகின்றன, நார்ச்சத்து அதிகமுள்ள பலாப்பழம் செரிமானத்திற்கு உதவி புரிகிறது. வைட்டமின் ஏ, பி, சி, கால்சியம் உட்பட பல்வேறு சத்துக்கள் நிறைந்த இப்பழம் முதுமையை தடுக்கவல்லது. அதாவது வயது முதிர்தலை தள்ளிப் போடுகிறது. இது வயது ஆவதால் ஏற்படும் தோல் சுருக்கத்தை தடுக்கிறது. கார்போஹைட்ரேட், பொட்டாசியம், கால்சியம் சத்து, புரதச்சத்து ஆகிய சத்துக்கள் நிறைந்துள்ள இந்த பலாப்பழம் புற்றுநோய் வராமல் தடுக்கும். மேலும் இரத்த அழுத்தத்தை குறைத்து இதயநோய் வராமல் தடுகிறது. பலாப்பழம் மட்டுமல்லாமல் பலாப்பழத்தில் உள்ள விதைகளும் பல்வேறு நன்மைகள் கொண்டது.

கொழுப்பின் அளவை கட்டுப்படுத்தும் கத்தரிக்காய்

கொழுப்பின் அளவை கட்டுப்படுத்தும் கத்தரிக்காய்

கத்தரிக்காயில் குறைந்த கலோரியும், அதிகளவு சத்துக்களும் அடங்கி உள்ளது. முக்கியமாக எடையை குறைக்க விரும்பும் நபர்களுக்கு கத்தரிக்காய் மிக நல்லது. உலகம் முழுவதிலும் வெப்பமண்டல பகுதிகளில் கத்தரிக்காய் விளைகிறது. கொழுப்பு சத்து குறைந்த கத்தரிக்காய், குறைந்த ஆற்றலை தரக்கூடியது. 100 கிராம் கத்தரிக்காயில் உடலுக்கு 24 கலோரிகள் ஆற்றல் தருகிறது, 9 சதவிகிதம் நார்ச்சத்து உள்ளது. இந்நிலையில் ரத்தத்தில் உள்ள கொழுப்பின் அளவை கட்டுப்படுத்துவதில் கத்தரிக்காய் முக்கிய பங்கு வகிப்பதாக பிரேசில் நாட்டு பல்கலைக்கழகம் ஒன்று கண்டறிந்துள்ளது. அடர்நீலம் அல்லது பழுப்பு நிற கத்தரிக்காயின் தோலில் ஆந்தோசயானின் எனப்படும் பிளேவனாய்டு உள்ளது. இது உடல் ஆரோக்கியத்தை அதிகப்படுத்தும் நோய் எதிர்பொருளாகும். புற்றுநோய், முதுமை, நரம்புவியாதிகள், உடல் எரிச்சல் ஆகியவற்றுக்கு எதிர்ப்புத்தன்மை வழங்கும். பி-காம்ப்ளக்ஸ் வகை வைட்டமின்களான பான்டோதெனிக் ஆசிட் (வைட்டமின் பி5), பைரிடாக்சின் (வைட்டமின் பி6), தயமின் (வைட்டமின் பி1), நியாசின் (வைட்டமின் பி3) ஆகியன அடங்கி உள்ளன. கொழுப்பு, புரதம் மற்றும் கார்போஹைட்ரேட் போன்ற ஊட்டச்சத்துக்களின் வளர்ச்சிதை மாற்றத்திற்கும், உடற்செயலியல் மாற்றங்களுக்கும் இந்த வைட்டமின்கள் அவசியமாகும். கத்தரிக்காயில் தாது உப்புக்களும் நிறைய உள்ளன. இவைகள் மாங்கனீசு, தாமிரம், இரும்பு, பொட்டாசியம் போன்றவை குறிப்பிடத்தக்கவை. மாங்கனீசு நோய் எதிர்பொருள்களின் துணைக்காரணியாக செயல்படும். பொட்டாசியம் அதிக ரத்த அழுத்தத்தை கட்டுப்படுத்தவும், உடற்செல்களின் எரிபொருளாகவும் பயன்படுகிறது.